Gazeta spanjolle, AS i ka kushtuar një artikull special gjatë ditës së sotme (e enjte), yllit të Përfaqësueses së Kosovës dhe Lille, Edon Zhegrovës.

Zhegrova ka qenë njëri nga emrat më të përfolur javëve të fundit pas një forme fantastike me klubin francez, Lille, por edhe në gjithë sezonin vjeshtor.

Në 26 ndeshje të luajtura në të gjitha garat, Zhegrova ka kontribuar me 7 gola dhe 7 asistime, por përveç tyre prishtinasi ka edhe një aftësi tjetër që e bën të përfolët shumë.

“Kështu luan dribluesi më zbavitës në ligat e mëdha. Edon Zhegrova është sulmuesi anësor i djathtë kosovar, i cili luan për Lille në Ligue 1 dhe është një nga sensacionet në Francë”.

🇫🇷 Así juega el regateador más divertido de las grandes ligas

😯 Edon Zhegrova es un extremo diestro kosovar que milita en el Lille de Ligue 1 y está siendo una de las sensaciones en Franciahttps://t.co/BeuBcnJt5w

— Diario AS (@diarioas) January 18, 2024

“Aftësia e tij në driblim po lë figura rrëqethëse”, thuhet në përshkrimin e videos nga gazeta AS.

Zhegrova pas performances fenomenale ka rënë në sy të shumë klubeve me emër në Evropë, ndër to edhe Dortmundi.